काठमाडौँ, १७ कार्तिक । प्रभु बैंकको संचालक समितिले आगामि साधारण सभामा १६.८४ प्रतिशत लाभांश दिने प्रस्ताव गर्ने भएको छ ।
मंसिर ६ मा हुने बैंकको १८ औं साधारण सभाले उक्त लाभांश पारित गरेपछि शेयर धनिको लागि वितरण गर्ने जनाएको हो । बैंकले चुक्ता पूँजीको ०.८४ प्रतिशत बराबर हुन आउने ७ करोड ४८ लाख ८५ हजार रुपैयाँ बोनस शेयरको रुपमा वितरण गर्ने प्रस्ताव गर्नेछ ।
यस्तै बैंकले चुक्ता पूँजीको १६ प्रतिशत बराबर हुने १ अर्ब ४२ करोड २८ लाख रुपैयाँ बोनस शेयरको रुपमा वितरण गर्ने प्रस्ताव गर्ने शुक्रबार बसेको संचालनक समितिको बैंठकले निर्णय गरेको छ ।
यसअघि ५५ प्रतिशत रहेको संस्थापक शेयर धनिको स्वमित्व ५१ प्रतिशतमा पुर्याउने प्रस्ताव पनि साधारण सभामा गरिने बैंकले जनाएको छ ।
यस्तै, साधारण सभाका लागि बैंकले कार्तिक २६ देखि मंसिर ६ गतेसम्म शेयर दाखिला खारेजको कार्य बन्द गर्ने संचालक समितिले निर्णय गरेको छ ।
