काठमाडौँ, ९ कार्तिक । अखिल नेपाल फुटबल संघ (एन्फा) माथि १० हजार अमेरिकी डलर जरिवाना लागेको छ ।
एसियाली फुटबल महासंघ ९एएफसी० को अनुशासन तथा आचार संहिता समितिले (एन्फा) माथि १० हजार अमेरिकी डलर साथै २ वर्षभित्र गल्ति नसच्याए ३५ हजार डलर जरिवाना गर्ने पनि चेतावनी दिइएको छ ।
समितिको गत बुधबार बसेको बैठकले एन्फाले ‘एएफसी क्लब लाइसेनिङ रेगुलेन’ बिपरित काम गरेको भन्दै जरिवाना गर्ने निर्णय गरेको हो ।एन्फाले मापदण्ड नपुगेका क्लबलाई एएफसी लाइसेन्स दिएको समितिको ठहर छ ।
गत सिजन मनाङ मर्स्याङ्दी क्लबले लिग च्याम्पियनको हैसियतमा नेपालको तर्फबाट एएफसी कप २०१९ खेलेको थियो । समूह चरणबाटै बाहिरिएको मनाङलाई एन्फाले मापदण्ड विपरित लाइसेन्स दिएको एएफसीको ठहर छ ।
क्लब लाइसेन्स पाउन आफ्नै मैदान, एकेडेमी, उमेर समूहको टिम, टिम डाक्टर, मिडिया अफिसर लगायतका मापदण्ड पूरा गर्नु पर्ने नियम छ । तर एन्फाले कुनै पनि क्लबका लागि यो मापदण्ड पूरा गराउने कुनै बाध्यकारी नियम बनाएको छैन ।
एन्फाले निर्णय पाएको ३० दिन भित्रमा जरिवाना बुझाउनु पर्ने समेत निर्णय भएको छ ।
