भक्तपुर ९ कार्तिक । राम चन्द्र प्रजापति । नेपाल सम्वत ११४० तथा शुभ दिपावलीको अवसरमा प्रसादी पाठशाला स्कुलमा शुभकामना आदानप्रदान तथा म्हपुजा कार्यक्रम सम्पन्न भएको छ ।
भक्तपुर सूर्यविनायक नगरपालिका वडा नं ८ आदर्शस्थित पाठशाला स्कुलमा उक्त शुभकामना तथा म्हपुजा सम्पन्न भएको हो । नेपाल सम्वतलाई राष्ट्रिय सम्वतको रुपमा सरकारले घोषणा गरिसकेको अवस्थामा व्यवहारमा कामकाजमा चलनमा ल्याउनु पर्ने र संस्कृतिलाई जिवन्त राख्न स्कुलका विद्यार्थीहरुलाई प्रयोगात्मक रुपमा म्हपुजा कार्यक्रम गरेको स्कुलका प्रिन्सिपलले दिनेश शाक्यले बताउनु भयो।
