काठमाडौँ, ७ कार्तिक । लिभरपुलले युइउफएफ च्याम्पियन्स लिगमा बेल्जियमको जिन्कमाथि शानदार जित निकालेको छ ।
बुधबार राति भएको समूह ईको खेलमा डिफेन्डिङ च्याम्पियन लिभरपुलले बेल्जियमको जिन्कमाथि उसैको मैदानमा ४–१ को शानदार जित निकालेको हो ।
लिभरपुलका लागि एलेक्स ओक्सलाडे चेम्बरलेनले दुई, साडियो माने र मोहमद सलाहले एक एक गोल गरे । जिन्कका लागि स्टेफन ओडेले एक गोल गरे ।
जितसँगै समूह ‘इ’ मा लिभरपुल ३ खेलबाट ६ अंक जोडेर दोस्रो स्थानमा उक्लिएको छ । पराजित जिन्क १ अंकसहित पुछारमा छ । जितसँगै नेपोली ३ खेलबाट ७ अंक जोडेर शीर्षस्थानमा तथा साल्जवर्ग ३ अंकससहित तेस्रो स्थानमा छ ।
