काठमाडौँ, ६ कार्तिक । पिएसजी स्टार केलियन एम्बाप्पे युइएफएमा १५ गोल पूरा गर्ने कान्छा खेलाडी बनेका छन् ।
क्लब ब्रुगविरुद्ध पहिलो गोल गरेसँगै उनले कम उमेरमा १५ गोल गर्ने लियोनल मेस्सीको रेकर्डलाई तोडेका हुन् । मेस्सीले २१ बर्ष २२८ दिनको उमेरमा युइएफए च्याम्पियनस लिगमा १५ गोल गरेका थिए । तर, एम्वाप्पेले २० वर्ष ३०६ दिनको उमेरमा कोसेढुंगा पार गरे ।
क्लब ब्रुगविरुद्ध ५-० को जित निकाल्दा ३१ मिनेटको अवधीमा उनले ह्याट्रिक पूरा गरेका थिए । खेलको ५२औँ मिनेटमा इरिक मेक्सिमको स्थानमा मैदान प्रवेश गरेका एम्वाप्पेले ६१औँ मिनेटमा पहिलो गोल गर्दै मेस्सीको रेडर्क तोडेका थिए । २० वर्षीय एम्वाप्पेले च्याम्पियनस लिगमा गोल संख्या १७ पुर्याएका छन् । कम उमेरमा १५ गोल गर्नेको सूचीमा राउल रहेका छन् । उनले २२ वर्ष १६३ दिनको उमेर कोशेढुंगा छोएका थिए।
