काठमाडौँ, ६ कार्तिक । एएफसी फुटसल च्याम्पियनसिप छनोट अन्तर्गत नेपाल र ताजिकिस्तान भिड्दै छ ।
२०२० मा तुर्केमिनिस्तानमा आयोजना आज बुधबार हुने खेलमा सेन्ट्रल र साउथ जोन अन्तरगत छनोटको समूह ए मा रहेको नेपालले आफ्नो पहिलो खेल बलियो टोली ताजिकिस्तानसँग खेल्ने लागेको हो ।
खेल इरानको उर्मियामा नेपाली समय अनुसार दिउँसो सवा ३ बजे सुरु हुनेछ । नेपालको समूहमा ताजकिस्तान, उज्वेकिस्तान र अफगानिस्तान रहेका छन् ।
नेपालले दोस्रो खेलमा उज्वेकिस्तानसँग कात्तिक ७ गते खेल्नेछ । अन्तिम खेलमा नेपालले अफगानिस्तानसँग ८ गते खेल्नेछ ।
