काठमाडौँ, ३ कार्तिक । सिताराम कट्टेल ‘धुर्मुस’ र कुञ्जना घिमिरे ‘सुन्तली’ले निर्माण गरेको फिल्म ‘सेन्टी भाइरस’को छायांकन सम्पन्न भएको छ ।
रामबाबु गुरुङ निर्देशन गरेको फिल्मको छायांकन करीब १ महिनामा सकिएको हो । शैलेन्द्र डि कार्कीको छायांकन रहेको फिल्ममा राजनराज शिवाकोटी र कालीप्रसाद बास्कोटाको संगीत रहेको छ ।
फिल्ममा सिताराम कट्टेल, कुञ्जना घिमिरे, दयाहाङ राई, राजाराम पौडेल, विल्सन विक्रम राई, बुद्धि तामाङ, कमलमणी नेपाल, सूर्यमाला खनाल लगायतका कलाकारहरुको अभिनय रहेको छ ।