काठमाडौँ, २९ असोज । विश्वकप छनोटको दोस्रो चरणमा बंगलादेशले भारतसँग १–१ गोलको बराबरी खेलेको छ ।
मंगलबार राति कोलकत्तामा समूह ‘ई’ को खेलमा बंगलादेश र घरेलु टोली भारत १–१ गोलको बराबरी खेल्दै अंक बाँड्न पुगेको हो ।
पहिलो हाफमै लिएको अग्रता जोगाउन नसक्दा बंगलादेशले अंक बाँड्न पुग्यो । यो बराबरीसँगै बंगलादेशले जित हात पार्ने राम्रो अवसर खेर फालेको छ । तीन खेल खेलेको भारतले दुई खेलमा बराबरी र एक खेलमा हार ब्योर्दै २ अंक बनाएर समूह ‘ई’ को चौथो स्थानमा छ ।
समूहको शीर्ष स्थानमा कतार रहँदा दोस्रोमा ओमान र तेस्रो स्थानमा अफगानिस्तान छन् ।
