काठमाडौँ, १७ असोज । बलिउड नायिका दीपिका पादुकोणलाई ‘बिजनेस अफ फेशन ५००’ ले ग्लोबल फेशन उद्योगमा योगदान गरेको कारण सदस्यको रुपमा चुनेको छ ।
बिजनेस अफ फेशन ५००’ फेशन उद्योगमा संसारमै २.४ ट्रिलियन डलरको आकार दिने व्यक्तिहरुको संकेतसूची हो । यसका सदस्यमा सूचीकृत हुनका लागि थुप्रै डाटाहरुको विश्लेषण र अनुसन्धान हुने गर्छ ।
उक्त सूचीमा बलिउड नायिका दीपिका पादुकोणको पनि कान्स–२०१९ मा पहिरिएको हरियो रङको ड्रेसको फोटो राखिएको छ । फोटोसँगै उनको बारेमा केही जानकारी पनि दिइएको छ । प्रोफाइलमा उनलाई सबैभन्दा धेरै पारिश्रमिक लिने र अप्रिल २०१९ मा अमेरिकाको भोग म्यागेजिनको कभर गर्ल भएको पनि जानकारी दिएको छ । ‘बिजनेस अफ फेशन ५००’ पर्ने उनी बलिउडकी एकमात्र अभिनेत्री हुन् ।
