शिक्षक र विद्यार्थीलाई टिका, जमरासहित दक्षिणा पनि

काठमाडौँ, १५ असोज । हिन्दु धर्मावलम्वीहरुको ठुलो चाड वडादशैंको अवसर पारेर सुविधानगर तिनकुनेस्थित ट्रिटन सेकेण्डरी स्कुलका सबै विद्यार्थी, शिक्षक र कर्मचारीहरुलाई टिका, जमरा लगाइदिनुको साथै दक्षिणाका साथमा शुभकामना दिँदै दशैं विदा दिइएको छ ।

धेरैजसो विद्यालयले विद्यार्थीलाई टिका र जमरामात्रै लगाइदिने परम्परा रहि आएकोमा ट्रिटन स्कुलले भने विद्यार्थी, शिक्षक र कर्मचारी सबैलाई गतवर्षदेखि नै दक्षिणा समेत दिएर शुभकामना दिने परम्परा बसालेको हो ।

विद्यार्थीले विद्यालयमै उमारेर स्याहारेको पँहेलो जमरा र रातो टिका लगाइदिँदै ट्रिटन सेकेण्डरी स्कुल तथा ट्रिटन इन्टरनेशनल कलेजका कार्यकारी अध्यक्ष विश्वनाथ प्रसाद शाहले विद्यालयमा टिका लगाउने कार्यको शुरुवात गरेका थिए । कार्यक्रममा ट्रिटन इन्टरनेशल कलेजका प्राचार्य समिर शर्मा पनि सहभागी थिए ।

शिक्षक र कर्मचारीलाई विद्यालयका निर्देशक राजन सुवेदी तथा भाइस प्रिन्सिपल ममता शाहले टिका, जमरा लगाउँदै उमेर र पद अनुसार दक्षिणा बाँडेका थिए भने सबै विद्यार्थीहरुलाई टिका लगाई दक्षिणा र शुभकामना कार्ड समेत वितरण गरिएको थियो ।

प्रतिक्रिया दिनुहोस्

संबन्धित समाचार

रुपन्देही, २२ जेठ । रुपन्देहीमा कुटपिटबाट आफ्नै दाजुको हत्या आरोपमा भाइ पक्राउ परेका छन् । गैडहवा गाउँपालिका–२ पडौरा बस्‍ने १९

धरान, २२ जेठ । आज बिहान धरानमा भएको आगलागीमा परी दुईजनाको मृत्यु भएको छ । धरान उपमहानगरपालिका – १५ साम्पाङ

काठमाडौँ, २२ जेठ । कञ्चनपुरमा एकजना स्वास्थ्यकर्मीमा कोरोना संक्रमण पुष्टि भएको छ । भारतबाट आएका नेपालीहरुको स्वास्थ्य परीक्षण गर्न सीमा

काठमाडौँ, २२ जेठ । सुर्खेतस्थित जनता मावि विद्यापुर क्वारेन्टिनमा बसेर घर गएका एक युवकको मृत्यु भएको छ । पन्चपुरी नगरपालिका