काठमाडौँ, १४ असोज । आज शेयर बाजरमा परिसूचक नेप्से १० अंकले बढेको छ ।
शेयर बाजरमा आज परिसूचक नेप्से १० दशमलव १३ अंकले बढेर १ हजार १ सय ४५ दशमलव ६९ अंकमा बन्द भएको छ । सेन्सेटिभ परिसूचक पनि बढेको छ ।
आज परिसूचक नेप्से सँगै कारोबार रकम पनि बढेको छ । १ सय ६४ कम्पनीको ३१ करोड १४ लाख रुपैयाँ बराबरको शेयर खरिदविक्री भएको छ । अधिकांश समुहका सूचकहरु बढेको बजारमा नेपाल बंगलादेशको संस्थापक शेयरको कारोबार सबैभन्दा बढी ७ करोड रुपैयाँको खरिदविक्री भएको छ ।
लाभांश वितरण गर्ने घोषणा गर्ने कम्पनीको शेयर कारोबार बढी देखिएको छ । सिनर्जी पावरका शेयरधनीले सबैभन्दा धेरै ६ दशमलव ८५ प्रतिशतले कमाएका छन भने सप्तकोशी डेभलोपमेन्टका शेयरधनीले ९ प्रतिशतले गुमाएका छन् ।
