काठमाडौँ, २ असोज । भाइरलका कारण जाजरकोटको नलगाड नगरपालिका- ८ मङ्सिरीस्थित हिमालय प्राथमिक विद्यालय बन्द भएको छ ।
तीन दिनदेखि सबै विद्यार्थी र स्थानीयवासी बिरामी भएपछि विद्यालय बन्द भएको हो । तीन दिनदेखि विद्यालय बन्द भए पनि स्वास्थ्य संस्था नजिक नभएका कारण समस्या भएको प्रधानाध्यापक कमल बोहाराले बताएका छन् ।
नलगाड नगरपालिकाका नगरप्रमुख टेकबहादुर रावलले तुरुन्तै स्वास्थ्यकर्मी परिचालन गरिने बताएका छन् । उक्त गाउँमा सबै बिरामी भएका कारण उपचारमा लैजानुपर्ने विद्यार्थी लैजान नसकिएको स्थानीयवासी कर्णबहादुर पुनले जानकारी दिएका छन् ।
