काठमाडौँ, २ असोज । ‘आइफा अवार्ड’ बुधबार बेलुकी भारतमा आयोजना भएको छ ।
आइफाको २० औं संकरणमा आलिया भट्टले चलचित्र ‘राजी’बाट उत्कृष्ट नायिकाको अवार्ड जितेकी छिन् । यस्तै, उत्कृष्ट नायकको अवार्ड ‘पद्यमावत’बाट रणवीर सिंहले जिते ।
अवार्डमा ‘राजी’ले उत्कृष्ट चलचित्रको अवार्ड जितेको छ । श्रीराम राघवनले चलचित्र ‘अन्धाधुन’बाट उत्कृष्ट निर्देशकको अवार्ड जितेका छन् । यस्तै, चलचित्र ‘पद्यमावत’बाट नायिका अदिति राव हैदरीले ‘उत्कृष्ट सह–नायिका’ को अवार्ड जित्दा विक्की कौशलले चलचित्र ‘सन्जु’बाट ‘उत्कृष्ट सह–नायक’को अवार्ड जितेका छन् ।
‘पछिल्लो २० बर्षकै उत्कृष्ट नायिका’को अवार्ड दीपिका पादुकोणले जित्दा नायक रणवीर कपुरले ‘पछिल्लो २० बर्षकै उत्कृष्ट नायक’को अवार्ड जिेत ।
अवार्ड समारोहमा नायक सलमान खान, रणवीर सिंह, आयुष्मान खुराना, साहिद कपुर, नायिका दीपिका पादुकोण, आलिया भट्ट लगायतको उपस्थिती रहेको थियो ।