काठमाडौँ, २८ भदौ । गृहमन्त्री रामबहादुर थापा ‘बादल’ले बाँकेमा कांग्रेस जिल्ला सभापति किरण कोइरालामाथि आक्रमण गर्नेहरुलाई कारबाही गर्ने सरकार प्रतिबद्धता रहेको जनाएका छन् ।
शनिबार बिहान सिंहदरबारमा नेपाली कांग्रेस काठमाडौं, भक्तपुर र ललितपुरका जिल्लाका सभापतिले दिएको ज्ञापनपत्र बुझ्दै मन्त्री थापाले भने, ‘नहुनु पर्ने घटना भएको छ, दोषीलाई कारबाही गर्न सरकार प्रतिबद्ध छ ।’
गृहमन्त्री थापाले घटनामा दोषी देखिएका जो कोहीलाई पनि कानूनी कारबाही हुने बताए । नेपाली कांग्रेसले शुरु गरेको दोस्रो चरणको जागरण अभियानअन्तर्गत बाँकेको सीतापुरमा भएको आक्रमणमा बाँके जिल्ला सभापति किरण कोइराला, महाधिवेशन प्रतिनिधि विद्याप्रसाद खनाललगायत एक दर्जन नेता तथा कार्यकर्ता घाइते भएका थिए ।