भक्तपुर, २१ भदौ । नबराज काफ्ले । WE Can (हामी सक्छौं) भन्ने मुल नाराका साथ दोस्रो भक्तपुर जिल्ला व्यापी यु-१६ अन्तरविद्यालय फुटसल गोल कप-२०१९ सञ्चालन हुने भएको छ ।
युवाका साथ साथ आवाज नेपालको आयोजना, सूर्यविनायक र चाँगुनारायण नगरपालिका सहयोगमा र विभिन्न गैरसरकारी संघ संस्थाहरु र व्यापारी केन्द्रहरुको सहकार्यमा आगामी भाद्र २३, २४ र २५ गते सञ्चालन हुने संस्थाका सचिव श्रीकृष्ण थापाले बताउनु भएको छ ।
फुटसल प्रतियोगिता कार्यक्रममा भक्तपुर जिल्लाका २८ वटा विद्यालयहरुको सहभागिता रहने छ भने प्रतियोगिताबाट सङ्कलन रकमबाट बालबालिका र युवाहरुको क्षेत्रमा भई गरेका विकृति र विसङ्गतीहरुको विरुद्धमा लड्न हामी सक्छौं भन्ने अभियान सञ्चालन गर्न प्रतियोगिता आयोजना गरिएको संस्थाका संस्थापक दिपेश बिसुङ्केले बताउनु भयो ।
प्रतियोगितामा विजय हुने टिमहरुलाई क्रमश प्रथम पुरस्कार ट्रफी,मेडल,प्रमाणपत्र र नगद रु २० हजार, दोस्रो पुरस्कार ट्रफी, मेडल, प्रमाणपत्र र नगद रु १० हजार र तेस्रो पुरस्कार ट्रफी, मेडल र प्रमाणपत्र साथै सहभागी विद्यालयहरुलाई प्रमाणपत्रको व्यवस्था गरिएको संस्थाका कोषाध्यक्ष अमर शिवाकोटीले जानकारी दिनु भयो भने कार्यक्रमको कुल लागत ३ लाख ५० हजार रहेको र कार्यक्रमलाई सभ्य र भव्यताका साथ सम्पन्न गरि सफल बनाउन सम्पूर्ण तयारी पूरा भएको संस्थाका अध्यक्ष राजेश घिमिरेले बताउनु भएको छ ।
