एजेन्सी, १८ भदौ । भारतीय क्रिकेटर मोहमद सामीको नाममा वेस्ट बंगालको एक अदालतले पक्राउ पुर्जी जारी गरेको छ ।
उनकी श्रीमती हसिन जहानले घरेलु हिंसाको मुद्दा दायर गरेकी कारण उनलाई घरेलु हिंसाको मुद्दामा पक्राउ पुर्जी जारी गरिएको हो ।
बुधबार आफ्नो २९ औं जन्मदिन मनाउन लागेका सामीलाई १५ दिनभित्र अदालतमा आत्मसमर्पण गर्न भनिएको छ । हाल वेस्ट इन्डिज भ्रमणमा रहेका उनलाई स्वदेश फर्किएपछि आत्मसमर्पण गर्न भनिएको हो ।
उनकी श्रीमती जहानले गत मार्चमा सामीले हत्या गर्न खोजेको र घरेलु हिंसा गरेको भन्दै मुद्दा दायर गरेकी थिइन् ।
