गुगलले स्मार्टफोनको कारखाना सार्दै

एजेन्सी, १२ भदौ । गुगलले आफ्नो पिक्सेल स्मार्टफोनको उत्पादन कारखाना चीनबाट भियतनाम सार्ने भएको छ ।

दक्षिणपूर्वी एसियामा सस्तो मूल्य श्रृंखला निर्माणका लागि गुगलले भियतनामा कारखाना स्थापना गर्ने निर्णय गरेको हो । यही वर्षबाटै कारखाना सार्ने कार्यको सुरुवात हुने भएको छ ।

पछिल्लो समयमा अमेरिका र चीनबीचको व्यापार युद्धका कारण करलगायतका खर्चमा भएको वृद्धिका साथै चीनमा श्रमिकको ज्यालामा बढोत्तरीका कारण गुगलले यस्तो निर्णय गर्नुपरेको बताइएको छ ।

गुगलले पिक्सेल फोन मात्र नभई स्मार्ट स्पिकर गुगल होमको उत्पादन पनि चीनबाट बाहिर सार्ने योजना बनाएको छ । सबैभन्दा पहिले यो वर्षको अन्त्यसम्ममा पिक्सेल थ्री ए फोनको उत्पादन चीनबाट भियतनाम सारिनेछ । गुगलले यो वर्ष ८० लाख देखि १ करोडको संख्यामा पिक्सेल स्मार्टफोन बिक्री गर्ने योजना बनाएको छ । जुन अघिल्लो वर्षभन्दा दोब्बर हो ।

गुगलको स्मार्ट स्पिकरको उत्पादनमध्ये केही चीनबाट थाइल्याण्डमा सार्ने गुगलको योजना छ । यद्यपि, कम्पनीको नयाँ प्रोडक्ट विकास तथा हार्डवेयरको सुरुवाती उत्पादन भने चीनमै हुनेछ ।

प्रतिक्रिया दिनुहोस्

संबन्धित समाचार

मकवानपुर, ३ असोज । नेपाल आदिवासी जनजाति महासंघ (नेफिन) जिल्ला समन्वय परिषद मकवानपुरको अधिवेशनले सर्वसहमत रुपमा नयाँ कार्यसमिति चयन गरेको

भक्तपुर, ३ असोज । भक्तपुरको सूर्यविनायक नगरपालिका वडा नं. ७ स्थित गुण्डूमा माता पाथिभरा वैष्णोदेवीको मन्दिर निर्माण हुने भएको छ

कैलाली, ३ असोज । कैलालीमा प्रतिबन्धित औषधि बिक्री गर्ने एक जना क्लिनिक सञ्चालकलाई प्रहरीले पक्राउ गरेको छ । शुक्रबार लम्कीचुहा नगरपालिका-४

महोत्तरी, ३ असोज । महोत्तरीमा जिपको ठक्करबाट मोटरसाईकल चालकको मृत्यु भएको छ । शुक्रबार दिउँसो बर्दिवास ३ गौरीडाँडामा ज १