काठमाडौँ, १२ भदौ । फिफा विश्वकपको दोस्रो चरणको छनोटअन्तर्गत कुवेत र चाइनिज ताइपेइविरुद्ध खेल्ने नेपाली टिमको घोषणा गरिएको छ ।
नेपालले कुवेतविरुद्ध सेप्टेम्बर पाँच र चाइनिज ताइपेइविरुद्ध सेप्टेम्बर १० तारिखमा खेल्ने छ । कुवेत विरुद्धको खेलका लागि नेपाली टिम आइतबार जानेछ । टिममा २३ खेलाडी, सात अफिसियल र अरु ६ जना पदाधिकारी रहेका छन् ।
नेपाली खेलाडीको सूची यस प्रकार छ ।
गोलकिपर : किरण चेम्जोङ, विकेश कुथु र विशाल श्रेष्ठ
डिफेन्डर : सरोज दाहल, अजित भण्डारी, दिनेश राजबंशी, अनन्त तामाङ, देबेन्द्र तामाङ, रजिन धिमाल, सुमन अर्याल ।
मिडफिल्डर : सुनिल वल, रवि पासवान, अन्जन विष्ट, सुजल श्रेष्ठ, हेमन गुरुङ, विक्रम लामा, तेज तामाङ, सन्तोष तामाङ, विशाल राई र रोहित चन्द ।
फरवार्ड : विमल घर्ती मगर, अभिषेक रिजाल र नबयुग श्रेष्ठ ।
