काठमाडौँ, ७ भदौ । कक्षा ११ र १२ को बार्षिक कार्यतालिका प्रकाशित भएको छ ।
राष्ट्रिय परीक्षा बार्डका अनुसार :
१. कक्षा ११ मा भर्ना भएका विद्यार्थीहरुका लागि ३१ भाद्र भित्र रजिष्ट्रेशन आवेदन फारम वितरण गर्ने ।
२. कक्षा ११ मा नयाँ भर्ना भएका विद्यार्थीहरुको रजिष्ट्रेशन आवेदन फारम २६ असोज गतेसम्म भरिसक्नु पर्ने ।
३. आवेदन भर्न छुटेका विदार्थीहरुले दोब्बर दस्तुर सहित १८ कार्तिक सम्मको समय पाउने छन् र बैंक भौचर १८ कार्तिककै हुनुपर्ने ।
४. बार्डले मंसिर मसान्तभित्र सम्बन्धीत विद्यालयहरुलाई ट्रिप्लिकेट सहित रजिष्ट्रेशनको अर्धकट्टी वितरण गर्ने र १ पौषबाट सम्बन्धीत विद्यालयहरुलाई आवेदन फारम वितरण गर्ने ।
५. कक्षा ११ र १२ का नियमित तथा आंशिक र ग्रेडबृद्धि परीक्षार्थीहरुले १५ पौषदेखि १५ माघभित्र सम्बन्धीत विद्यालय तथा क्याम्पसहरुमा परीक्षा आवेदन फारम भरिसक्नु पर्ने ।
६. विद्यालयहरुले माघ मसान्तभित्र बोर्डका सम्बन्धीत कार्यालयहरुमा आवेदन फारम बुझाई सक्नुपर्ने ।
