त्रि.विको नेतृत्व चयन गर्दा राजनितिक भागबण्डा नगर्न सांसद लामाको माग

काठमाडौँ, २८ साउन । नेपाल कम्युनिष्ट पार्टी (नेकपा)को प्रभावशाली युवा नेतृ, पूर्वअनेरास्ववियुको अध्यक्ष तथा प्रतिनिधिसभाका सांसद नविना लामाले राजनितिक भागबण्डा नगरीकन विश्वविद्यालयको नेतृत्व चयन गर्न माग गर्नुभएको छ ।

मंगलबार बसेको प्रतिनिधि सभाको बैठकमा बोल्दै सांसद लामाले देशकै विश्वसनीय त्रिभुवन विश्वविद्यालय विभिन्न समयमा भष्ट्राचार जस्तो विषयमा फस्नु र राजनीतिक भागबण्डाको आधारमा नेतृत्व चयन हुनु गलत भएको बताउनु भयो ।

उहाँले भन्नुभयो, ‘विश्व विद्यालयको  चाहे परीक्षाको विषयमा होस्, चाहे सम्बन्धनको विषय होस्, चाहे शिक्षक कर्मचारीको विषय होस्, चाहे समयमा स्ववियु निर्वाचनको विषय होस् । विश्व विद्यालय धेरै विकृति विसंगति छ । धेरै भन्दा धेरै अराजकता मौलाएको छ ।’

प्राज्ञिक व्यक्ति चयन गर्नको लागि राजनीतिक भागबण्डा हुन नहुने दाबी गर्दै उहाँले पछिल्लो समय विश्वविद्यालयमा भष्ट्राचार तथा विकृति विसङ्गति अराजक तरिकाले मौलाएकाले निष्पक्ष, विधि र प्रकृयाको आधारमा नेतृत्व चयन गर्न माग समेत राख्नु भयो ।

प्रतिक्रिया दिनुहोस्

संबन्धित समाचार

सरकारले नेपाली हावापानीमा अनुकूलन हुन नसक्ने चिनियाँ गाई ल्याउन फेरि प्रक्रिया थालेको छ । पुष्पकमल दाहाल प्रधानमन्त्री भएका बेला पनि

एजेन्सी । बेल्जियमका एक बालकले नौ वर्षको उमेरमै स्नातक उत्तीर्ण गर्ने भएका छन् । बेल्जियमका इन्डहोभेन युनिभर्सिटी अफ टेक्नोलोजी (टीयूई)मा

एउटा कलमको मूल्य सयदेखि हजारसम्म अनुमान लगाउन सकिन्छ । तर, सप्तरीमा बिक्री तथा हस्तान्तरण भएको एउटा कलमको मूल्य एक लाखभन्दा

विवाह कर्ममा छोरी पक्षले सामान्यतया गरगहना र लत्ताकपडा दिने चलन छ । कानुनतः दाइजो लेनदेन गर्न नपाइने भए पनि व्यवहारबाट