काठमाडौँ, २३ साउन । पाँचौँ सेब टु ए साइड पुरुष भलिबल प्रतियोगिता आजदेखि शुरु हुँदैछ ।
सामाखुशी इङ्लिस बोर्डिङ स्कूल (सेब)को मुख्य प्रायोजन तथा ढोरपाटन क्लबको आयोजनामा हुन लागेको उक्त प्रतियोगिताका खेलहरु काठमाडौँको नयाँ बसपार्कमा हुनेछ ।
एक सय १७ टोलीको सहभागिता रहने प्रतियोगिताको विजेता टोलीलाई रु एक लाख पुरस्कार, उपविजेताले रु ५० हजार, तेस्रोले रु २५ हजार र चौथो हुने टोलीले रु १० हजार पुरस्कार प्राप्त गर्ने आयोजकले जनाएको छ ।
प्रतियोगिता सञ्चालन गर्न करीब रु चार लाख ५० हजार खर्च हुने आयोजकले जनाएको छ ।
