काठमाडौँ, ३१ असार । ट्रिटन इन्टरनेशनल सेकेण्डरी स्कुल सुविधानगर, तिनकुनेका युकेजीदेखि ४ कक्षासम्मका सबै विद्यार्थीविच नेपाली परम्परागत र सांस्कृतिक भेषभुषा झल्किने पोशाक प्रदर्शनी तथा प्रतिष्पर्धा आयोजना गरिएको छ ।
नेपालको कला संस्कृति र परम्परा अनुसार विभिन्न जाति, धर्म र समुदायले लगाउने परम्परागत पोशाक लगाएर साना विद्यार्थी र्याम्पमा उत्रिएका थिए ।
विद्यार्थीहरुलाई आआफ्नो जाति, धर्म र परम्पराअनुसारका पोशाकहरु, त्यससंग समवन्धित गहनाहरुका बारेमा सिकाउन पोशाक प्रदर्शनी तथा प्रतिष्पर्धाको आयोजना गरिएको विद्यालयका निर्देशक राजन सुवेदीले बताए ।
पुरस्कार दिनेगरि विजेताको रुपमा विद्यार्थीवीच प्रतिष्पर्धा नगरिएता पनि सरसफाई, पोशाक लगाउने तरीका लगायत सबै पक्षको मुल्यांकन भने गरिएको थियो । यसैवीच भानुजयन्तीको अवसरमा विद्यालयमा आयोजित कविता लेखन तथा वाचन प्रतियोगिताको आयोजना गरेको छ ।
