काठमाडौँ, २६ असार । बिहीबार शेयर बजारमा परिसूचक नेप्से सामान्य रहेको छ ।
नेपाल स्टक एक्स्चेन्जका अनुसार शेयर बजार कारोबार मापक नेप्से परिसूचक शून्य दशमलव ६२ बिन्दुले घटेर एक हजार २४८ दशमलव ५३ मा पुगेको छ।
यस्तै ठूला कम्पनीका शेयर कारोवार मापन गर्ने सेन्सेटिभ परिसूचक शून्य दशमलव शून्य एक अङ्कले घटेर २६८ दशमलव ३२ मा पुगेको छ ।यसैगरी, कूल १७२ कम्पनीको १६ लाख ५४ हजार २५१ कित्ता शेयर ४६ करोड ३६ हजार ५७१ रुपैयाँमा कारोवार भएको छ।
१ सय ७२ कम्पनीको ४६ करोड रुपैयाँ बराबरको शेयर करोबार भएको छ । नेपाल राष्ट्र बैंकले मौद्रिक नीतिमार्फत बैंकहरुलाई मर्जरमा लैजाने भएपछि शेयर बजारमा सस्तो मूल्य भएका बैंकको शेयरको माग बढेको छ ।
बिहीबार कारोबार रकम बुधबार भन्दा ११ करोडले घटेको छ । बजारमा सिभिल बैंक, सेन्चुरी बैंक, नेपाल बैंक लगायतका बैंकहरुको कारोबार बढेको छ । केही बैंकको शेयर बढेपनि लगानीकर्ताले कर र ब्याज भुक्तानी गर्ने समय भएकाले खरिद र विक्रीचाप न्यून भएको छ ।
