जनप्रेमीद्धारा एसईई उत्कृष्ट विद्यार्थीलाई दुई लाख नगद पुरस्कार

भक्तपुर, २४ असार । रमेश गिरी । माध्यमिक शिक्षा अर्थात एसईई परीक्षा २०७५ को नतिजामा जिपिए चार ल्याउने दुई विद्यार्थीलाई रु. २ लाख २ हजार २२२ नगद पुरस्कार सहित सम्मान गरिएको छ ।

मध्यपुरथिमि नगरपालिका ३ कौशल्टारस्थित जनप्रेमी माध्यामिक विद्यालयले आफ्नो स्कुलबाट एसईई परीक्षामा चार जिपिए ल्याउने अनुप काफ्ले र कन्चन श्रेष्ठलाई जनही रु. १ लाख १ हजार १११ का दरले नगद पुरस्कार सहित सम्मान गरेको हो ।

विद्यालयका प्रिन्सिपल निलेश आचार्यले यसवर्षको एसईई परीक्षाको नतिजामा एउटै स्कुलबाट छात्र र छात्रा दुबैतर्फ जिपिए चार ल्याएका विद्यार्थीहरुलाई नगद सहितको पुरस्कार प्रदान गरिएको बताउनुभयो ।

उहाँले विद्यार्थीहरुमा पढ्न प्रोत्साहन मिलोस र अध्ययनमा प्रतिस्पर्धा होस भन्ने उदेश्यले पुरस्कार दिएको बताउदै उहाँले यस विद्यालयले हरेक वर्ष चार जिपिए ल्याउने आफ्ना विद्यार्थीलाई १ लाख १ हजार १११ का दरले नगद सहित पुरस्कार दिने घोषणा समेत गर्नुभयो ।

कार्यक्रममा मध्यपुरथिमि नगरपालिका वडा नं. ३ का वडा अध्यक्ष प्रेम कुटुले विद्यार्थीहरुको पढाईमा मनोबल बढाउन र उच्च शिक्षा अध्ययन गर्न यो पुरस्कारको रकमले थप मद्धत पुग्ने बताउनुभयो ।

कार्यक्रममा जनपे्रमी मावि स्थापनाको पहिलो वर्षमा विद्यालय भर्ना हुने पहिलो विद्यार्थी एवं वडा नं. ३ का वडा अध्यक्ष प्रेम कुटु र २०५२ सालको पहिलो एसएलसी परीक्षामा उत्कृष्ट नम्बर ल्याएर उत्कृष्ट हुने विद्यार्थी एवं मध्यपुरथिमि नगरपालिकाका नगर समिति सदस्य कृष्णहरि आचार्यलाई पनि सम्मान गरिएको छ ।

त्यसअवसरमा विद्यालयका संस्थापक प्रिन्सिपल रबि आचार्यले जनप्रेमी मावि कलेजले शिक्षाको गुणस्तरलाई कायम राख्दै हरेक वर्ष उत्कृष्ट नतिजा दिन सफल भएको बताउनुभयो ।

प्रतिक्रिया दिनुहोस्

संबन्धित समाचार

काठमाडौँ, ५ कार्तिक । आज हुने जापानका सम्राट नरुहितोको राज्याभिषेक कार्यक्रम राष्ट्रपति विद्यादेवी भण्डारी सहभागी हुनुहुने भएको छ । राज्याभिषेक

काठमाडौँ, ५ कार्तिक । नेपाल र अष्ट्रिया ऊर्जा क्षेत्रमा सहकार्य गर्न सहमत भएका छन् । सोमवार काठमाडौँमा सम्पन्न संयन्त्रको पहिलो

काठमाडौँ, ५ कार्तिक । जापानको औपचारिक भ्रमणमा रहेकी राष्ट्रपति विद्यादेवी भण्डारीले जापान नेपालको प्रमुख विकास साझेदार मुलुक भएको बताएकी छिन्

काठमाडौँ, ५ कार्तिक । तत्कालिन गृहमन्त्री कृष्णप्रसाद सिटौला, गृहसचिव उमेश मैनाली र प्रहरी महानिरीक्षक ओमबिक्रम राणाले रौतहट बम विस्फोट घटना