काठमाडौँ, २४ असार । नेपाली राष्ट्रिय क्रिकेट टोली आज मलेसिया प्रस्थान गर्दैछ ।
सिंगापुरमा साउन ६ देखि टी-२० विश्वकप एसिया फाइनल हुँदैछ । मलेसियामा दुई टी-२० म्याच खेलेर नेपाल सिंगापुर पुग्नेछ, जहाँ घरेलु टोलीसँगै कुवेत, मलेसिया र कतारसँग नेपालले खेल्नेछ ।
पाँच देशले एकअर्कासँग खेल्दा शीर्ष स्थानमा रहने टोलीले टी-२० विश्वकप छनोट खेल्नेछ । नेपाली टोलीका मुख्य प्रशिक्षक उमेश पटवालले पनि अवस्थाअनुसार योजना बनाएर खेल्ने सोच रहेको बताएका छन । उनका अनुसार खेलाडीहरुलाई मलेसियामा पनि केही प्रयोग हुनेछ र अन्तिम रुप दिइनेछ ।
