काठमाडौँ, २१ असार । अफ्रिकी नेसन कपमा सेनेगल र बेनिन क्वाटरफाइनलमा प्रवेश गरेको छ ।
इजिप्टमा जारी प्रतियोगितामा शुक्रबार राति भएको अन्तिम १६ अन्तर्गतको खेलमा सेनेगलले युगाण्डालाई १–०ले पराजित गर्दै क्वाटरफाइनलमा प्रवेश गरेको हो ।
त्यस्तै शुक्रबार राति भएको खेलमा मोरक्कोलाई पराजित गर्दै बेनिनले पनि क्वाटरफाइनलमा प्रवेश गरेको छ । खेलमा निर्धा्रित र थप गरिएको समयमा दुवै तर्फबाट १–१ गोल भएपछि खेलको निर्णय टाइब्रेकरबाट लिइएको हो ।
मोरक्कोका लागि एन नसिरीले ७५ औँ मिनेटमा गोल गरेका थिए भने बेनिनका लागि अदिलेहोउले ५३ औँ मिनेटमा गोल गरेका थिए ।
