एजेन्सी, १५ असार । उरुग्वे कोपा अमेरिकाको क्वाटर फाइनलबाटै बाहिरिएको छ ।
नेपाली समय अनुसार आइतबार बिहान भएको खेलमा पेरुले उरुग्वेलाई टाइब्रेकरमा ५-४ ले पराजित गर्दै गरेको हो । निर्धारित ९० मिनेटको समय गोलरहित बराबरीमा सकिएपछि खेलको नतिजा टाइब्रेकरबाट लिइएको थियो ।
यो जितसँगै पेरु प्रतियोगिताको सेमिफाइनलमा प्रवेश गरेको छ । अब सेमिफाइनलको खेलमा पेरूले साविक विजेता चिलीसँग प्रतिस्पर्धा गर्नेछ ।
यसअघि ब्राजिल र अर्जेन्टिना पनि प्रतियोगिताको सेमिफाइनलमा पुगिसकेका छन् । नेपाली समय अनुसार असार १८, बुधबार विहान ६स्१५ मा ब्राजिल र अर्जेन्टिना भिड्दैछन् भने बिहिबार विहान ६स् १५ मा पेरू र चिली भिड्दैछन् ।
