काठमाडौँ, ८ असार । कोपा अमेरिका २०१९ अन्तर्गत घरेलु टोली ब्राजिलले क्वाटरफाइनलमा स्थान पक्का गरेको छ ।
शनिबार भएको समूह चरणको अन्तिम खेलमा पेरुलाई ५-० को फराकिलो अन्तरले हराउँदै ब्राजिल समूह विजेता बनेको हो । योसँगै ३ खेलमा ७ अंक जोढेर ब्राजिल शीर्षस्थानसँगै क्वाटरफाइनलमा प्रवेश गरेको छ ।
शनिबारै बोलिभियालाई ३(१ ले पराजित गरेको भेनेजुएला ३ खेलमा ५ अंकसहित दोस्रो स्थानमा रहेर क्वाटरफाइनलमा पुगेको छ । तेस्रो स्थानको पेरु भने ३ खेलमा ४ अंक छ र उत्कृष्ट तेस्रो स्थानमा रहँदै अर्को चरणमा प्रवेश गर्ने सम्भावना कायमै छ । बोलिभिया अंकविहिन हुँदै प्रतियोगिताबाट बाहिरिएको छ ।
