काठमाडौँ, ३२ जेठ । शहीद स्मारक ’सी’ डिभिजन लिग छनोट प्रतियोगिता अन्तर्गत नकआउट चरणको खेल तालिका सार्वजनिक भएको छ ।
शनिबार अखिल नेपाल फुटबल संघ (एन्फा)ले दोस्रो चरणको खेल तालिका सार्वजनिक गरेको हो । १२ टोलीलाई ३ समूहमा विभाजन गरेर खेल तालिका निकालिएको छ ।
आइतबारबाट सुरु हुने खेलमा एक समूहमा ४ टोली राखिएको छ । र, हरेक समूहको विजेता टिम ’सी’ डिभिजन लिगमा बढुवा हुनेछ । यस पटक ३ क्लब ’सी’ डिभिजनमा बढुवा हुनेछ ।
आइतबार हुने खेलमा समूह ’ए’ बाट सरस्वती नगर स्पोर्ट्स क्लब र इमाडोल युवा क्लब तथा झापा फुटबल क्लब र एक्टिभ फुटबल क्लबबीच खेल हुनेछ ।
