एजेन्सी, २५ जेठ । आठाैं संस्करणकाे फिफा महिला विश्वकप फुटबलमा घरेलु टोली फ्रान्सले विजयी सुरुवात गरेको छ ।
फ्रान्सको राजधानी पेरिसस्थित पार्क डे प्रिन्समा शुक्रबार राति भएको खेलमा फ्रान्सले दक्षिण कोरियामाथि ४–० को अन्तरले जित हासिल गरेको हो । फ्रान्सको जितमा विन्डी रिनार्डले २ तथा इग्यूनी ली सोमर र एमानडिनी हेनरीले समान एक/एक गोल गरे ।
आगामी सात जुलाईसम्म चल्ने विश्वकपमा २४ टिमको सहभागीता रहेको छ । विश्वकप अन्तर्गत आज राति ३ वटा खेल हुँदैछन् ।
जर्मनी र चीनबीच नेपाली समय अनुसार साँझ पौने सात बजे खेल हुनेछ । यस्तै पौने १० बजे स्पेन र दक्षिण अफ्रिका आमने सामने हुँदा राति पौने १ बजे नर्वे र नाइजेरियाले खेल्नेछन् ।
