काठमाडौँ, २१ जेठ । इन्टरनेट सेवा प्रदायक (आईएसपी)हरुले साउनदेखि इन्टरनेटको मूल्य २० प्रतिशत मूल्य बढाउने घोषणा गरेका छन् ।
गत वर्ष बढेको मूल्य घटाउने क्रममा सरकारसँग भएको सहमति कार्यान्वयन नभएपछी इन्टरनेटको मुल्य बढाउनु परेको उनिहरुको गुनासो छ । त्यसबेला सञ्चारमन्त्री गोकुल बास्कोटाले कानून संशोधन गरेर इन्टरनेट सेवा प्रदायकलाई रहात दिने प्रतिवद्धता जनाएका थिए । तर, एक वर्षसम्म पनि प्रतिवद्धता कार्यान्वयन नभएको भन्दै इन्टरनेट सेवा प्रदायकहरुले साउनदेखि २० प्रतिशत मूल्य बढाउने बताएका छन् । संघले बढाएको १३ प्रतिशत शुल्क र मूल्य समायोजन नगर्दा भएको घाटा ७ प्रतिशत जोडेर २० प्रतिशत बढाउने उनीहरुको दाबी छ ।
पाँच वर्ष अघिसम्म ५० डलरसम्म तिरेर ल्याउने गरेको इन्टरनेट ब्यान्डविथ अहिले ८ देखि १० डलर प्रतिएमबीपीएसरप्रतिमहिनामा झरेको छ । मूल्यमा ठूलो गिरावट हुँदा पनि नेपाली इन्टरनेट सेवा प्रदायकहरुले उपभोक्तालाई पुरानै मूल्य लिइरहेको सञ्चार मन्त्रालयका एक अधिकारीले बताएका छन् ।
