एजेन्सी, १८ जेठ । १२ औं संस्करणको आईसीसी एकदिवसीय विश्वकप क्रिकेटमा वेस्ट इन्डिजले विजयी सुरुवात गरेको छ ।
शुक्रबार भएको पहिलो खेलमा वेस्ट इन्डिजले पाकिस्तानलाई ७ विकेटले पराजित गर्दै विजयी सुरुवात गरेको हो । पाकिस्तानले दिएको १०६ रनको लक्ष्य वेस्ट इन्डिजले १३ ओभर ४ बलमा ३ विकेट गुमाएर पूरा गरेको हो ।
वेस्ट इन्डिजका ओपनर क्रिस गेलले ५०, निकोलस पुरनले अविजित ३४, शिमरोन हिटमायरले अविजित ७ रन बनाए । पाकिस्तानका लागि मोहम्मद आमिरले ३ विकेट लिए ।
टस हारेर पहिला ब्याटिङ गरेको पाकिस्तानले २१.४ ओभरमा अल आउट हुँदै १ सय ५ रन बनाएको थियो । पाकिस्तानका लागि फकर जमानले २२, बाबर आजमले २२, हरिस सोहिलले ८, सर्फराज अहमदले ८, मोहम्मद अफिजले १६, इमाद वासिमले १, हसन अलिले १ र वाहव रियाजले १८ रन बनाए ।
