एजेन्सी, १६ जेठ । हङ्गेरीको राजधानी बुडापेस्टस्थित ड्यानुब नदीमा डुङ्गा पल्टिँदा ७ को मृत्यु भएको छ १९ जना बेपत्ता भएका छन् ।
स्थानीय समयानुसार बुधवार राति १० बजेतिर नदीको किनारमा बाँधेर अड्याइराखेको सो डुङ्गामा अर्को डुङ्गा आएर ठोक्किएपछि भएको दुर्घटनामा भएको बताइएको छ । डुङ्गामा ३३ जना सवार दुईतले डुङ्गा पल्टिएको त्यहाँको सरकारी सञ्चारमाध्यमले जनाएको छ । दुर्घटनामा अधिकांस दक्षिण कोरियाबाट आएका पर्यटक बेपत्ता भएका हुन् ।
दक्षिण कोरियाको विदेश मन्त्रालयले दुर्घटनामा आफ्ना १९ नागरिक हराइरहेको पुष्टि गरेको छ । खोजी कार्यमा न्याश्नल एम्बुलेन्स सर्भिस बुडापेस्टको मध्य भागबाट तल खटिएको तथा दक्षिणतिर ड्यानुब नदीमा अन्य डुङ्गाको आवागमनमा रोक लगाइएको अन्तर्राष्ट्रिय समाचार माध्यमले जनाएका छन् ।
