चितवन, १३ जेठ । नेपाल विद्युत प्राधिकरणका कार्यकारी निर्देशक कुलमान घिसिङले चितवनको भरतपुरमा निर्माणाधीन अन्तर्राष्ट्रिय क्रिकेट रंगशालाको निरीक्षण गरेका छन् ।
धुर्मस सुन्तली फाउण्डेशनद्वारा निर्माण भइरहेको रंगशालास्थल भरतपुर महानगरपालिका १५ मा पुगेका प्रमुख कार्यकारी निर्देशक घिसिङले निर्माण प्रगतिको बारेमा जानकारी लिएका हुन ।
फाउण्डेशनका अध्यक्ष सीताराम कट्टेलले विस्तृत परियोजना प्रतिवेदन ९डीपीआर० तयार हुनुअघिका कामहरु सबै तीब्र गतिमा अघि बढाइएको जानकारी दिए । रंगशाला निर्माणस्थलको कम्पाउण्ड घेर्ने, गोदाम तथा आवास भवन निर्माण, रंगशालास्थलमा भएका रुखहरु हटाउने, जरा उखेल्ने, ग्रेडिङ गरेर सम्याउने, डीपीआर लगायतका कामहरु अघि बढिरहेको जानकारी कट्टेलले घिसिङलाई गराए ।
निर्देशक घिसिङले अन्तर्राष्ट्रिय क्रिकेट रंगशाला निर्माणमा सवै नेपालीहरूले आ–आफ्नो स्थानबाट सक्दो सहयोग गर्नुपर्ने बताउदै उनले रंगशाला निर्माणका लागि आवश्यक पर्ने विद्युत, ट्रान्सफर्मर, सव स्टेशन निर्माणमा प्राधिकरणले खुल्ला हृ्रदयका साथ सहयोग गर्ने बताए ।
