काठमाडौँ, १३ जेठ । शेयर बजारमा परिसूचक नेप्से सामान्य अवस्थामा रहेको छ ।
केहीदिन देखि गिरावट आएको जलविद्युत समुहमा भने वृद्धि भएको छ । केहीदिन यता जलविद्युत समुहमा गिरावट आउँदा शेयर परिसूचक नेप्से घटेको थियो ।
सोमबार परिसूचक नेप्से एक अंक भन्दा कमले बढेको छ भने सेन्सेटिभ परिसूचक पनि बढेको छ । त्यस्तै १ सय ७० कम्पनीको ५१ करोड ९५ लाख रुपैयाँ बराबरको कारोबार भएको छ ।
बैंकिङ र बीमा समुह घटेका छन भने अन्य सबै समुह बढेका छन् । शेयर बजारमा अधिकांश कम्पनीहरु त्यस मध्येपनि बैंकिङ क्षेत्रको नाफामा उच्च वृद्धि हुँदा लगानीकर्ता उत्साहित बनेर कारोबार बढाउँदा ३ महिना यता परिसूच नेप्से २ सय अंकले बढेको थियो ।
शिवम सिमेन्ट र प्रभु बैंकको शेयर कारोबार उच्च भएको छ । त्यस्तै स्पर्स लघुवित्तका शेयरधनीले झण्डै १० प्रतिशतले कमाएका छन भने सिनर्जी पावरका शेयरधनीले ८ प्रतिशतले गुमाएका छन् ।
