काठमाडौं, ११ जेठ । प्रधानमन्त्री कप क्रिकेट प्रतियोगितामा आज प्रदेश नम्बर ३ र सशस्त्र प्रहरी बल भिड्दै छ ।
त्रिभुवन विश्वविद्यालयका खेल मैदानमा हुने खेलमा आज प्रदेश नम्बर ३ र सशस्त्र प्रहरी बलबीच खेल हुने भएको छ ।
उद्घाटन खेलमा प्रदेश नम्बर २ माथि १ सय ७१ रनको फराकिलो नतिजा निकाल्दै आर्मीले विजय सुरुवात गरेको हो ।
राजु रिजाल र कप्तान बिनोद भण्डारीले उत्कृष्ट प्रदर्शन गरेपछि आर्मी विजयी हुन पुग्यो । २ सय ७९ रनको लक्ष्य पछ्याएको प्रदेश नम्बर २ ३१ दशमलव ४ ओभरमा १ सय ७ रनमा अलआउट भएपछि आर्मीले सहज जित निकालेको हो ।
