काठमाडौँ, ९ जेठ । बिहिबार नेपाल स्टक एक्सचेन्ज (नेप्से) ५ दशमलव ८ अंकले घटेको छ ।
आज १ हजार ३ सय १४ दशमलव ५५ को बिन्दुमा पुगेर कारोबार बन्द भएको छ । १ सय ७० कम्पनीको २९ लाख ४३ हजार ३०४ कित्ता शेयर खरिदबिक्री भई ९३ करोड २६ लाख ४४ हजार रुपैयाँ बराबरको कारोबार भएको छ ।
त्यस्तै गरी ‘क’ वर्गका कम्पनीहरुको मापन सेन्सेटिभ परिसुचक शुन्य दशमलव ७० अंकले घटेर २ सय ८० दशलमव ३८ अंकको बिन्दुमा पुगेर बन्द भएको छ । यस दिन सबैभन्दा बढी कारोबार अपर तामाकोशी हाइड्रोपावर कम्पनीको भएको छ । जसको कारोबार १५ करोड ५९ लाख ६४ हजार रुपैयाँ बराबरको भएको छ ।
यस दिन सर्वाधिक कमाउनेमा एनएमबि माइक्रोफाइनान्सका लगानीकर्ताहरु रहेका छन् । जसको शेयर मूल्यमा ९ दशमलव ९५ प्रतिशतले बढेको छ । त्यस्तै मल्टीप्रपोज फाइनान्स कम्पनीको ९ दशमलव ६३ प्रतिशतले बढेको हो ।
