एजेन्सी, ९ जेठ । लण्डन ओलम्पिककी स्वर्ण पदक विजेता लिथ्वानियाकी पौडीबाज रुटा मिलुतितेले २२ वर्षको उमेरमा सन्यास लिएकी छिन् ।
लगातार तीनवटा ड्रग टेस्ट छुटाएकी मिलितुतेले १५ वर्षको उमेरमा स्वर्ण पदक जितेकी थिइन् । उनले १०० मिटर ब्रेस्ट स्ट्रोकमा स्वर्ण पदक जितेकी थिइन् । उनले प्लाइमाउथमा अध्ययन तथा प्रशिक्षण लिँदै आएकी थिइन् ।
तीनवटा ड्रग टेस्टमा सामेल नभएपछि उनलाई एकदेखि दुई वर्षसम्मको प्रतिबन्ध लाग्न सक्ने सम्भावना थियो । ड्रड टेस्टमा सामेल हुन नसकेकोमा पूर्ण जिम्मेवारी आफ्नै रहेको बताउँदै उनले सन्यास लिने निर्णय गरेकी हुन् ।
उनले एक विज्ञप्ति जारी गर्दै जिवनको नयाँ पाटो शुरु गर्नका लागि तयार रहेको उल्लेख गरेकी छन ।
