काठमाडौँ, ७ जेठ । नेप्से सूचक मंगलबार ४.२ अंकले बढेर १३१२.१४ विन्दुमा पुगेको छ ।
समग्रमा बजार ०.३४ प्रतिशतले बढेको हो । १७३ कम्पनीको ८१ करोड ४४ लाख रुपैयाँभन्दा धेरैको सेयर कारोबार भएको छ ।
३१ लाख २ हजार २८४ कित्ता सेयर खरिदबिक्री भएका छन् । नेप्सेमा सूचीकृत १२ वटा समूहको सेयर कारोबार भएकामा ३ वटा बाहेक बाँकी सबै समूहका सूचक बढेका छन् । सबैभन्दा धेरै हाइड्रोपावर समूहको सूचक ६४.६ अंकले बढेको छ ।
कारोबार रकममा नेपाल बैंकले अग्रता लिदै बैंकको ८ करोड ६६ लाख रुपैयाँभन्दा धेरैको सेयर कारोबार भएको छ । कारोबार रकमकै आधारमा दोस्रो र तेस्रो स्थानमा क्रमशः शिवम् सिमेन्ट्स र बुटवल पावर कम्पनी परेका छन् ।
त्यस्तै मल्टिप्रपोज फाइनान्सका लगानीकर्ताले सबैभन्दा धेरै कमाएका छन् । यसको भाउ ९.९४ प्रतिशतले बढेको हो । धेरै कमाउनेमा दोस्रो र तेस्रो स्थानमा क्रमशः अपर तामाकोशी र कर्पोरेट डेभलपमेन्ट बैंक परेका छन् । अपरको ९.८८५ र कर्पोरेटको ९.८४ प्रतिशतले मूल्य बढेको हो ।
