एजेन्सी, ७ जेठ । बंगलादेशको सरकारले माछा मार्न प्रतिबन्ध लगाएको छ ।
तट रक्षकहरुले सोमबारदेखि यो नियम लागु गर्ने भएको छ । माछाको संख्या बढाउन र माछाको भण्डारणमा सन्तुलन ल्याउनका लागि बंगलादेशको तटीय क्षेत्रमा अब ६५ दिनसम्म माछा मार्न पाइने छैन ।
सरकारका अनुसार, तट रक्षक र जलसेनाले बंगालको खाडीमा माछा मार्नबाट प्रतिबन्ध लगाउनेछन् । बंगलादेशको सरकारले अब प्रत्येक वर्ष २० मेदेखि २३ जुलाईसम्म माछा मार्न प्रतिबन्ध लगाउने जनाएको छ ।
सबै प्रकारको माछा मार्ने जहाजमा प्रतिबन्ध लगाइने बंगलादेशको सरकारले अन्तर्राष्ट्रिय सञ्चार माध्यम बीबीसीलाई बताएको छ ।
