एजेन्सी, ५ जेठ । एफए कपको उपाधि म्यानचेस्टर सिटीले हात पारेको छ ।
शनिबार राति वेम्बली रंगशाला भएको खेलमा वार्टफोर्डलाई ६–० ले हराउँदै प्रिमियर लिग च्याम्पियन सिटीले एफए कप जितेको हो । सिटीलाई उपाधि दिलाउने क्रममा रहिम स्टर्लिङ ह्याट्रिक भने डेभिड सिल्भा, केभिन डि ब्रुयने र गाब्रियल जेससले समान १ गोल गरे । सन् १९०३ को सिजनमा बरीले डर्बीलाई ६–० ले नै हराएपछि एफए कपमा सबैभन्दा ठूलो अन्तरको जित हासिल गरेको हो ।
जितसँगै म्यान्चेस्टर सिटीले इंग्लिस फुटबलका तीनवटै मुख्य प्रतियोगिताको उपाधि जित्न सफल भयो । एफए कप अघि सिटीले लिग कप र प्रिमियर लिग उपाधि जितेको थियो ।
