एजेन्सी, ३ जेठ । क्याटलान सरकारले ‘क्रेउ डे सान्ट जोर्डी–२०१९’ अवार्डद्वारा अर्जेन्टिनी स्टार तथा बार्सिलोनाका कप्तान लियोनल मेस्सीलाई सम्मान गरेको छ ।
३१ वर्षीय मेस्सीलाई फुटबलको माध्यामबाट क्याटलान क्षेत्रको प्रतिष्ठा विश्वभर फैलाएको भन्दै यस अवार्ड प्रदान गरिएको हो । यस अवार्डलाई क्याटलान सरकारको सबैभन्दा सम्मानित र ठूलो अवार्ड मानिन्छ । यो अवार्ड पाउने मेस्सी दोस्रो फुटबलर हुन् । यसअघि यो अवार्ड सन् २००६ मा फुटबल जोन क्रुइजफलाई पनि प्रदान गरिएको थियो ।
क्याटलानका राष्ट्रपति क्विम टोरराले मेस्सीलाई अवार्ड प्रदान गरेका थिए । अवार्ड ग्रहण समारोहमा मेस्सी परिवारसहित गएका थिए ।
