काठमाडौँ, १ जेठ । नेप्से सूचक आज बुधबार ५.५५ अंकले बढेर १३२१ विन्दुमा आइपुगेको छ ।
समग्रमा बजार ०.४२ प्रतिशतले बढेको हो । १७२ कम्पनीको १ अर्ब ३३ करोड रुपैयाँभन्दा धेरैको सेयर कारोबार भएको छ । ४० लाख ४३ हजार १५७ कित्ता सेयर खरिदबिक्री भएका छन् ।
विकास बैंक समूह सबैभन्दा धेरै २५.९९ अंकले बढेको छ । यता, वाणिज्य बैंक समूहको सूचक पनि ९.८६ अंकले माथि लागेको छ । कारोबार रकममा एनसीसी बैंकले अग्रता लिएको छ ।
एनसीसीको १४ करोड ८२ लाख रुपैयाँभन्दा धेरैको कारोबार भएको हो । कारोबार रकमकै आधारमा दोस्रो र तेस्रो स्थानमा क्रमशः नेपाल बैंक र शिवम् सिमेन्ट्स परेका छन् ।
यस दिन सबैभन्दा धेरै कमाउनेमा नेपाल कम्युनिटी डेभलपमेन्ट बैंकका लगानीकर्ता परेका छन् ।
