काठमाडौँ, १ जेठ । एसिया कप ह्वील चियर टी–ट्वान्टी क्रिकेट प्रतियोगितामा नेपालीलाई भारतीले पराजित गरेको छ ।
बुधबार कीर्तिपुरस्थित त्रिवि क्रिकेट मैदानमा भएको खेलमा नेपाली टोलीलाई भारतीय टोलीले ६ विकेटले पराजित गरेको हो ।
टस हारेर पहिले ब्याटिङ गरेको नेपालले दिएको १ सय ४१ रनको लक्ष्य भारतले १५ ओभरमा ४ विकेट गुमाएर १ सय ४२ रन बनाउँदै पुरा गर्यो । भारतका लागि गौरवले अर्धशतक पुरा गरे । उनले ५० रन बनाए ।
यसअघि पहिलो ब्याटिङ गरेको नेपालले २० ओभर पुरा खेल्दै ४ विकेट गुमाएर १ सय ४० रन बनाएको थियो । नेपालका लागि डिग्माले सर्वाधिक ६५ रन बनाएका थिए ।
