मुम्बई बन्यो इन्डियन प्रिमियर लिगको च्याम्पियन

काठमाडौँ, ३० बैशाख । चेन्नई सुपर किंग्स १ रनले पराजित भएपछि मुम्बई इन्डियन्सले इन्डियन प्रिमियर लिग ९आईपीएल० को च्याम्पियन्स बनेको छ ।

हैदरावादको राजीव गान्धी स्टेडियममा पहिले टस जितेर ब्याटिङ गरेको मुम्बईले निर्धारित २० ओभरमा ८ विकेटको क्षतिमा १४९ रनको योगफल बनाएको थियो । १५० रनको लक्ष्य पछ्याएको चेन्नाईले निर्धारित २० ओभरमा ७ विकेट गुमाउँदै १४८ रनमात्र बनाउन सक्यो ।

ओपनर वाटशनले ५९ बलमा ८ चौका र ४ छक्का प्रहार गर्दै ८० रनमा रनबनाएका थिए । १८ औं ओभरमा क्रुनाल पान्ड्यालाई दोस्रो, तेस्रो र चौथो बलमा लगातार छक्का प्रहार गर्दै कुल २० रन बटुलेपछि चेन्नईको जित सहज बनेको थियो । चेन्नईका अर्का ओपनर फाफ डु प्लेसिस २६ रनमा स्टम्पिङ आउट भएका थिए । उनले १३ बलमा ३ चौका र १ छक्का प्रहार गरे ।

सुरेश रैनालाई ८, आम्बाती रायडू १, ड्वेन ब्राभो १५, महेन्द्र सिंह धोनी २ रनमा आउट भएपछि चेन्नईको अवस्था नाजुक बनेको थियो । ८२ रनमा ४ विकेट गुमाएको अवस्थामा चेन्नई आफै स्तब्ध बनेको थियो । तर १६ औं ओभरमा लाथिस मलिङ्गाले १ छक्का र शेन वाटशनका ३ चौका प्रहार गर्दै २० रन बटुलेपछि चेन्नईलाई आसा आएको थियो । मुम्बईका जसप्रित बुमराहले २, क्रुनाल पान्ड्या, राहुल चाहर र लाथिस मलिङ्गाले समान १ विकेट हात पारे ।

टस जितेर पहिला ब्याटिङ थालेको मुम्बईले निर्धारित २० ओभरमा ८ विकेटको क्षतिमा १ सय ४९ रन बनाएको थियो । मुम्बईका लागि काइरन पोलार्डले २५ बलमा समान ३ चौका र छक्का प्रहार गर्दै ४१ रनमा अविजित रहँदा अन्यले उल्लेख्य रन बनाउन सकेनन् । १७ बलमा ४ छक्का सहित २९ रन बनाएका क्विन्टन डि कक विकेटकीपर महेन्द्रसिंह धोनीबाट क्याच आउट भए । लगतै छैटौं ओभरको दोस्रो बलमा कप्तान रोहित शर्मा पनि धोनीबाटै क्याच आउट भए ।

सुर्य कुमार यादव १५, ईशान किसानलाई २३, हार्दिक पान्ड्यालाई १६, कुनाल पान्ड्या ७ रनमा पेभिलिएन फर्किए। विशाल योगफल नबनाउँन सक्दा पनि मुम्बईले १ रनको जित निकाल्दै उपाधि हात पारेको हो । चेन्नईका लागि दिपक चाहरले ३ र इमरान ताहिर र सार्दुल ठाकुरले २-२ विकेट लिए ।

प्रतिक्रिया दिनुहोस्

संबन्धित समाचार

काठमाडौँ, १५ चैत । सरकारले घोषणा गरेका समस्याग्रस्त सहकारीको सङ्ख्या २० पुगेको छ ।   भूमि व्यवस्था, सहकारी तथा गरिबी निवारण

काठमाडौँ, १५ चैत । महिला, बालबालिका तथा ज्येष्ठ नागरिक मन्त्री भगवती चौधरी र नेपालका लागि फिनल्याण्डका राजदूत रिना रिक्का हेक्काबीच

काठमाडौँ, १५ चैत । नेपाली कांग्रेसकी केन्द्रीय सदस्य एवम् सांसद डा. आरजु राणाको भारतमा शल्यक्रिया भएको छ । थाइराइड सम्बन्धी

काठमाडौँ, १५ चैत । बुढानीलकण्ठ स्कुलको प्रचार गरेको भन्दै शिक्षा, विज्ञान तथा प्रविधि मन्त्री सुमना श्रेष्ठको आलोचना भएको छ ।