काठमाडौँ, २२ वैशाख । आज आइतबार धितोपत्र बजारमा शेयरको मूल्य दोहोरो अङ्कले घटेको छ ।
नेपाल स्टक एक्सचेञ्जका अनुसार कारोवार मापक नेप्से परिसूचक १६.७१ बिन्दुले घटेर एक हजार २७७.६८ बिन्दुमा झरेको छ भने ठूला कम्पनीको शेयर कारोवार मापन गर्ने सेन्सेटिभ परिसूचक ३.६८ बिन्दुले घटेर २७३.९६ बिन्दुमा ओर्लिएको छ ।
कारोवार भएका कूल १० उपसमूहमध्ये आज दुई उपसमूहको मात्रै शेयर बढेको छ भने आठ उपसमूहको शेयर घटेको छ । स्टकका अनुसार बैंकिङ १६.०२, होटल १९.६१, विकास बैंक १७.४४, जलविद्युत् ५३.८८, वित्त २.४०, निर्जीवन बीमा २४.७३ , लघुवित्त २५.८७ र जीवन बीमा १२७.०२ बिन्दुले घटेको छ ।
नेप्से परिसूचक घटेपछि कारोवारमा समेत १२ प्रतिशित घटेको थियो । अघिल्लो साता ५ अर्व रुपैयाँको कारोबार भएकोमा गत हप्ता ४ अर्व ४१ करोड रुपैयाँ बराबरको सेयर कारोवार भएको छ ।
