काठमाडौँ, १६ वैशाख । एसीसी यू-१६ पूर्वी क्षेत्रिय क्रिकेट प्रतियोगिताको उपाधि विजेता नेपाली यू-१६ राष्ट्रिय क्रिकेट टोली आज स्वदेश फर्किएको छ ।
सोमबार अपरान्ह थाइल्याण्डमा सम्पन्न प्रतियोगिताको उपाधि जितेर स्वदेश फर्किका नेपाली टोलीलाई विमानस्थलमा राष्ट्रिय खेलकुद परिसद (राखेप) का सदस्यसचिव केशब कुमार बिष्ट, उपाध्याक्ष पिताम्बर तिमल्सिना, राष्ट्रिय क्रिकेट टोलीका मुख्य प्रशिक्षक जगत टमटा लगायतले स्वागत गरेका थिए ।
नेपाली टोलीले थाइल्याण्डको चियाङमाईमा आइतबार ५९ रनले मलेसियालाई पराजित गर्दै नेपालले लगातार दोस्रो पटक उपाधि जितेको थियो ।
