काठमाडौँ, १२ वैशाख । नेप्से सूचक बिहीबार १२.८३ अंकले बढेर १२९२.१२ विन्दुमा पुगेको छ ।
समग्रमा बजार १ प्रतिशतले माथि लागेको हो । १७६ कम्पनीको १ अर्ब ३५ करोड रुपैयाँभन्दा बढीको सेयर कारोबार भएको छ । ४५ लाख २१ हजार ९६६ कित्ता सेयर खरिदबिक्री भएका छन् ।
कारोबार भएका सबै समूहका सूचक माथि लागेका छन् । वाणिज्य बैंक समूहमा १०.०९ अंकले वृद्धि भएको छ । यता, जीवन बिमा समूहको सूचक पनि ८९.९१ विन्दुले बढेको छ ।कारोबार रकममा नेपाल बैंकले अग्रता जमाएको छ । यसको १८ करोड ४१ लाख रुपैयाँभन्दा धेरैको सेयर कारोबार भएको हो ।
