एजेन्सी, १० वैशाख । श्रीलङ्कामा भएको शृङ्खलाबद्ध बिस्फोटको जिम्मा आतंकवादी समूह इस्लामिक स्टेट (आइएस)ले लिएको छ ।
आईएसले आफूले विस्फोट गराएको कुनै आधिकारिक प्रमाण पेश नगरे पनि मंगलबार आफ्नो समूहको समाचार एजेन्सी एएमएक्यूमार्फत विस्फोटको जिम्मा लिएको छ ।
आइतबार देशका विभिन्न भागमा रहेका गिर्जाघर र होटेलमा बिस्फोट हुँदा ३ सय १० जनाको मृत्यु भएको थियो जसमा ३६ जना विदेशी नागरिकको मृत्यु भएको जनाइएको छ। राजधानी कोलम्बोलगातका विभिन्न शहरमा रहका चर्च र होटलमा भएको विस्फोटमा परि ५०० भन्दा बढी घाइते भएका छन् ।
श्रीलंका सरकारले शृङ्खलाबद्ध विस्फोटनको मानवीय तथा भौतिक क्षतिको दुखद घडिमा मंगलबार शोक मनाएको छ ।
