बाँके, १० बैशाख । आठौँ राष्ट्रिय खेलकुद अन्तर्गत पुरुष भलिबलको फाइनलमा दुई विभागीय टोली नेपाल पुलिस र त्रिभुवन आर्मी भिड्ने भएका छन् ।
मंगलवार बाँकेको खजुरास्थित शुक्र भलिबल कोर्टमा भइरहेको प्रतियोगितामा दुवैले सेमिफाइनलमा जित निकाल्दै स्वर्ण पदकका लागि भिडन्त पक्का गरेका हुन् ।
आर्मीले अर्को विभागीय टोली एपीएफलाई प्रतिस्पर्धात्मक खेलमा ३-२ को सेटमा पराजित गर्दा पुलिसले गण्डकी प्रेदशलाई ३-१ सेटले हराएको थियोे । खेलमा आर्मी १८-२५, २५-२२, ३१-३३, २५-२१, १५-११ ले विजयी पायो । यस्तै पुलिसले गण्डकी लाई २५-१५, २५-१५, २०-२५, २५-२० ले पराजित गर्यो ।
फाइनल खेल भोली बुधवार शुक्र भलिबल कोटमा हुनेछ ।
